UN BRÈU ENTRATGE AL CATARISME (II)

LA CROSADA

Las relacions amb la Glèisa catolica se condusiguèron inicialament en lo domeni del debat teologic. Se celebrèron colloquis entre catolics e de Bones Òmes per tractar de tèmas teologics e aproximar de posicions. Mas aqueles debats fracassèron, e la Glèisa catolica prenguèt unas posicions mai intolerants.

La siá oposicion a acceptar los dogmas catolics e l’obediéncia a Roma, e la siá progressiua expansion dins qualques zònas, provoquèt que la Glèisa catolica s’alarmèsse davant la possibilitat de pèrdre lo monopòli religiós en qualques territòris. D’autra banda, la monarquia francesa vegèt l’oportunitat de s’aliar amb Roma per poder sometre las tèrras d’òc, teoricament jos sobeiranetat francesa mas que es governavan sòlas mejançant la siá noblesa.

Aprofechant l’assassinada del legat papal, Pèire de Castèlnòu l’an 1208 per part d’un òme de confidança del comte Ramon VI de Tolosa, lo Papa Innocenci III proclamèt la Crosada contra los catars. Posteriorament la monarquia francesa del rei Philippe August e fòrça nòbles franceses de las tèrras d’oïl se sometèron a la Crosada.

La notícia de la convocacion de la Crosada, de crestians contra autres crestians, foguèt fòrça mal recebuda tant pels nòbles occitans, que vesián la possibilitat de pèrdre los sieus títols e lo sieu patrimòni, coma del pòble, que considerava als Bones Òmes coma unes vesins fòrça apreciats.

Malgrat la submissió e humiliació del comte Ramon VI de Tolosa a las autoritats catolicas, s’inicièt un dels genocidis umans e ideologics mai sagnants de l’Euròpa medieval.

La Crosada s’alonguèt, amb pausas, pendent fòrça decènnis, e aguèt coma protagonista lo nòble anglés Simó de Montfort, considerat malgrat la siá cruseltat envèrs los sieus enemics coma gaireben un sant defensor de la fe catolica. Los croats, amb la promesa papal del perdon de los sieus pecats, e l’oportunitat d’aténher un bon sautèri, intensifiquèron en qualques cases la siá cruseltat de manièra sauvatja.

Un dels capítols mai remembrats foguèt la tuada de Besièrs l’an 1209. Davant la negativa de liurar a las tropas crosadas los sieus vesins catars, los soldats croats arrasèron la vila, e davant la question dels soldats sus cossí reconeisserián los erètges dels catolics, lo representant papal diguèt: “Aucissètz-los a totes, que Dieu escuelherà los sieus.”.

O a La Vaur, ont un còp conquistada la vila, la Dama Gerarda, malgrat èsser embarassada, foguèt violada per divèrses soldats croats e lançada a un potz ont moriguèt.

IMG_7900

Carcassona patiguèt los efièches de la Crosada

Ramon Rogièr de la dinastia Trencavèl, decidiguèt parlamentar amb las tropas crosadas per evitar una tuada a Carcassona. En alebant totas las nòrmas basicas de las trèvas, prenguèron coma presoèr lo jove comte, qui moriguèt pauc après empresonat (segon la version crosada per malautiá).

Mas cossí se s’agiguèsse d’una justícia divina, Simó de Montfort moriguèt en lo sètge de Tolosa, quand dempuèi d’una simpla catapulta, unas femnas l’acertèron amb una pèira que l’esclafèt lo cap. Una umiliant mòrt per un cavalièr qu’aviá semiat totas las tèrras d’òc amb mòrt e destruccion.

La Crosada contunhèt amb pausas, en dependent de la submissió (e escandilhament) de las divèrsas familhas nòblas occitanas e del contraròtle efectiu de la monarquia francesa al territòri.

Benlèu l’episòdi mai epic foguèt lo sètge de Montsegur que s’alonguèt pendent mai d’un an (1243-1244). A la fortalesa de Montsegur se lotjavan unes dos cents cresents, que resistiguèron pendent fòrça meses los atacs dels soldats croats e las escassetats de mai en mai fòrtas. Fin finala, se negocièt la capitulació, de sòrta qu’aqueles que reneguèssen de la fe catara salvarián la vida. Cap dels assetjats  renoncièt e totes foguèron executats en fogueras en un camp près, qu’encara recep ongan lo nom de “Prat dels Cremats”. La fortalesa de Montsegur uèi es posteriora a la casuda de l’an 1244.

DSCN1059

La fortalesa de Montsegur venguèt simbòl del catarisme

Los cresents preses per l’Inquisicion èran torturats, perque denoncièsson autres companhs o refusèsson la siá fe. En fach, fòrça de las donadas que coneissèm son atengudas per las actas inquisitorialas.

Se considèra que lo darrièr “Perfièch” foguèt Guilhèm de Belibasta, qu’amb traïson e messorgas foguèt fach presoèr, torturat e executat l’an 1321 a Vilaroja de Termenés. A Guilhèm se li atribuissi una frasa quand morissiá “D’aicí a sèt cents ans lo laurièr reverdejarà” (metaforicament, la comunitat dels Bones Òmes e las Bonas Femnas ressorgirà).

 

LOS BONES ÒMES APRÈS LA CROSADA

Una question frequenta es conéisser que rèsta dels Bones Òmes uèi. Complicada responsa, perque òm considèra que qualques tradicions e ritualas demorèron en secrèt. Qualques unas de las criticas dels Bones Òmes al clergat catolic son identicas a las reclamacions de las Glèisas reformadas dins lo sègle XVI (Luterans, Calvinistes…) E los Calvinistes a França (Uganauds) enrasiguèron justament tanben dins las tèrras occitanas.

Lo Catarisme demorèt “desbrembat” fins lo Romanticisme dins lo sègle XIX e la siá volontat de recuperar lo passat medieval, qualques estudioses rescatèron de l’oblit lo movement dels Bones Òmes, en començant per Napoleon Peyrat (de manièra fòrça romantica). Mai recentament, René Nelli venguèt dins lo sègle XX en l’iniciador d’unes nòus estudis sul tèma. Son fòrça los tractats de qualitat publicats.

Lo movement occitanista prenguèt l’istòria dels Bones Òmes dempuèi d’un punt d’enguarda nacionalista, qu’en l’epòca l’aguèt pas, malgrat que ras de la Crosada las tèrras d’òc restèron somesas a la monarquia francesa e perdèron la siá sobeiranetat. Ongan, lo torisme per visitar los “luòcs catars” es vengut un atractiu toristic en qualques departaments occitans.

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google+ photo

You are commenting using your Google+ account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

w

Connecting to %s