LA CROSADA (III): L’UMILIACION DEL COMTE DE TOLOSA.

Vistes los movements de las tropas crosadas, lo comte Ramon VI de Tolosa, senhor del comtat mai important de las tèrras occitanas meridionalas, temiá (e amb fondament) que la Crosada podiá arrasar lo sieu territòri, que la monarquia francesa aprofechariá per sometre la noblesa occitana, e que segurament la siá familha podiá pèrdre los sieus dreches senhoriales sul comtat.

Foguèron divèrsas las comunicacions amb Roma qu’emprenguèt lo comte. Segon sembla, èra dispausat a admetre las condicions que lo Papa exigiguèsse per arturar la Crosada, mas voliá pas negociar amb Arnaud Almaric de Citeaux, lo representant papal davant los crosats. L’enemistat entre Arnau e lo comte Ramon VI èra pro coneguda, e quina negociacion que siá èra condemnada al fracàs.

InocencIII_ArnoldCiteaux

Lo Papa Innocenci III e Arnaud Amaric de Citeaux

Fin finala, lo Papa Innocenci III nomenèt per establir de convèrsas fèrmas Milton, un notari apostolic d’edat avançada, fòrça mai abituat al dialòg e acompanhat del canonge Thédise, mas sens destituir Arnau de las siás cargas en la Crosada. En las negociacions, ambedoas parts acordèron que lo comte Ramon liurariá sèt castèls a l’armada crosada, ajudariá a perseguir los erètges dins de lo sieu comtat, e fariá un acte de contricion (mai plan dich, abaissament) publica. Los castèls serián lo gatge que lo comte acompliriá la siá part de la promesa.

Lo pacte tanben compreniá la cession a la Glèisa dels dreches que possedissiá la familha comtal suls avescats e los establiments religioses, expulsar los mercenaris contractats per defendre los limits del comtat, pas designar josieus per cargas publicas e respectar las trèvas e las pases impausadas per la Glèisa. En la carta escricha pel Papa al comte, lo Pontife recomandava al nòble:

“S’acceptatz las nòstras condicions, filh mieu, un còp ajas abjurat de l’eretgia e t’ajas somés a la nòstra obediència, recuperarem los tieus onors. Nos ocuparem tanben d’empedir que patiscas cap de mal, sempre que siás vengut un pecador expiat.”

Mas amb un ton radicalament desparièr, una autra carta secrèta del Papa per los sieus representants crosats disiá:

“En referéncia al comte de Tolosa, li seràn pas brica positius los apariaments obligats a Nós e a la Glèisa. Sètz obligats a li far patir lo jo de la peniténcia. Expulsatz-lo luènh de las siás proprietats, de la meteissa manièra que faretz amb totes los sieus complices.”.

Segon explican las cronicas, la ceremònia de contricion se celebrèt lo jorn 18 de Junh de 1209 a Sant Gèli, ont èra estat justament assassinat Pèire de Castèlnòu. Lo comte Ramon anava amb un vestit de penitent, mas despolhat de centura cap amont e portava una còrda a l’entorn del còl e un ciri alugat a la man. Mentre lo comte demandava perdon per los sieus pecats, lo representant papal Milon, lo flagelava amb la siá man esquèrra amb uns pals, del temps qu’amb la drecha lo perdonava de los sieus pecats, fins a la dintrada de la glèisa de la vila, davant l’agach del pòble e de fòrça avesques catolics d’arreu de las tèrras occitanas.

De genolhs, e dins del temple, escotèt coma lo legat Milton li legissiá los sieus pecats, del temps que lo comte demandava clemència e jurava pas tornar a pecar e realizar una longa peniténcia. Acabada la ceremònia, lo comte Ramon VI, per evitar quin dobte que siá sus la siá fidelitat a la fe catolica (per s’assegurar que mantendriá los sieus títols e de proprietats), demandèt s’integrar dins de l’armada crosada per exterminar los erètges de lo sieu comtat.

Raimon Tolosa

Sagèth del Comte Ramon de Tolosa 

Aquela adesion a la Crosada, provoquèt un messatge del meteis Papa Innocenci III que li comunicava al comte qu’acceptava lo sieu aufriment, e que podiá venir un exemple pels meteisses erètges per qué tornèsson al “bon camin”. Lo meteis Papa, estonat e en suspectant del comte de Tolosa, recomandèt als dirigents de la Crosada amb aquelas paraulas:

“Cossí tot bon crosat a drech a gaudir de las siás proprietats. Malgrat aiçò, Nós ordenam que siá susvelhat de près. Simulatz que sètz los sieus amics, tot en esperant que cometa un error que vos permeta lo destruir. Per l’onor de la nòstra Glèisa, vos animam a que prosseguiscatz amb l’operacion de neteja en aquela region infectada d’erètges.”

Las accions e los aufriments del Papa èran pas sincères coma podèm verificar per las siás cartas. Las accions del comte, solament amb lo temps se sauriá.

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google+ photo

You are commenting using your Google+ account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

w

Connecting to %s