L’ALIMENTACION DELS BONS ÒMES

En parlant d’alimentacion, e en prenent en compte las restriccions sasonièras e economicas que patissiá la majoritat de la populacion europèa medievala, los Bons Òmes mantenián una dièta fòrça estricta e rigorosa, basada en las siás cresenças.

Coma premissa basica, avián enebit manjar quina neuritud que siá que provenguèsse dels animals (o vertadièrament, d’èssers creats per l’acte sexual). D’aquela manièra, podián pas manjar carn ni de grèishes animals ni uòus, mas tanpauc lach o de formatges, tan abituals a la dièta de l’epòca. A la condemna abituala que s’establissiá a las relacions sexualas, que provocavan la mantenença e la continuitat d’aquel mond creat pel Demòni, s’apondiá que qualques comunitats de Bons Òmes cresián qu’en morir, qualques personas se podián reencarnar en un animal, e doncas, un cresent manjava benlèu un defunt fraire.

Medieval_wine_conservation

Lo vin èra una bevenda abituala a l’Edat Mejana

La volontat de pas aucir un animal recomandava als cresents que se trobavan qualque animal capturat en una trapèla de caça, l’ajudèsson a escapar, e per pas prejudiciar al caçaire, daissèsson qualque compensacion al bòrd de la meteissa trapèla. Per contra, qualques comunitats de Bons Òmes permetián aucir los lops, perque èran considerats coma una encarnacion del Demòni. Fins a tempses recents, encara lo lop a mantengut aquela image maligna en la cultura occidentala.

Una istòria succedida a doas Bonas Femnas que residissián dins lo castèl del comtat de Fois, nos mòstra que las siás costums alimentàrias podián descobrir als erètges. En fugent de la persecucion de l’Inquisicion, arribèron a Tolosa e se lotgèron en un ostal, ont la mestressa suspectèt de qué èran “erètges” dempuèi lo primièr moment. La proprietària demandèt a las doas Bones Femnas qu’auciguèsson doas galinas per las codinar pel dinnar mentre ela anava dins lo pòble per unas comandas.

Quand tornèt la mestressa, vegèt que las galinas èran encara vivas, e las doas Bonas Femnas li diguèron que seriá melhora que las auciguèsse ela meteissa, perque elas volián pas aucir los animals. En avent la pròva definitiva, la mestressa sortèt dins la carrièra un autre còp e tornèt amb dos gàrdias de l’Inquisicion que las detenguèt. Explica l’istòria qu’ambedoas femnas demandèron als gàrdias tempses per se ruscar la cara abans de la detencion, perque volián que Dieu las recebèsse plan netas.

Per contra, lo peis, foguèsse salat, fumat, secat (mens abitualament fresc) èran dins la siá dièta, perque consideravan que los peisses sorgissián espontanèament dins de l’aiga, sens acte sexual. Avèm pas de desbrembar que lo nivèl de coneissenças scientificas èran pas coma l’actual nivèl.

En periòdes de trabalh fòrt e cansat, manjavan mai quantitat, sustot de legums, òli e fruchas que poguèsson donar mai energia pendent las longas jornadas laboralas. Tanben s’èran convidats a l’ostal d’un pas cresent, per consideracion a lo sieu amic, acostumavan a manjar mai quantitat. A despart d’aiga, bevián de vin aigat.

086_Museu_d'Història_de_Catalunya,_cereals_i_llegums

Los legums e los granatges èran presents a la dièta medievala

Mantenián tanben un calendari tanben fòrça estricte de dejuns. Diluns, dijòus e divendres fasián dejuns totas las setmanas, e pendent aqueles jorns solament s’alimentavan de pan e aiga. A despart, los meteisses cresents podián s’establir d’autres periòdes de dejun per volontat pròpria. La Glèisa catolica impausava tanben als sieus cresents un calendari de dejuns segon las festivitats religiosas (per exemple, la Quaresma o la Setmana Santa) e de proïbicions de determinadas neurituds, coma per exemple la carn totes los divendres.

Qualque grops actuales an remarcat l’alimentacion vegetariana dels Bons Òmes, sustot quand la societat reivindica uèi aquela dièta, mas los Bons Òmes serián pas los primièrs en l’aplicar. Ja en tempses ancians, qualques comunitats religiosas reivindicavan una dièta vegetariana e l’establiment de dejuns abituals.

L’alimentacion mostrava tanben lo caractèr de la vida quotidiana dels Bons Òmes e las siás cresenças amb unas pautas qu’autrejavan tanben una vida sana.

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google+ photo

You are commenting using your Google+ account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s