LO REI PHILIPPE II AUGUSTE: OPORTUNISME O BON POLITIC?

Lo rei Philippe II Auguste (1) èra nascut l’an 1165 a Paris, e èra filh del rei Louis VII e la siá tresena molhèr Adèle de Champagne. Accediguèt al tròn, fòrça jove, amb solament catorze ans, lo 1179, mas sabèt governar amb una granda adretia en tèmas diplomatics. Foguèt lo primièr monarca francés en escriure en cronicas totes los eveniments de lo sieu reinatge e lo primièr en utilizar lo títol de “Rei de France”, en substituissent progressivament lo títol de “Rei dels Francs”.

Lo sieu enemic abitual foguèt England, amb qui mantenguèt un afrontament constant amb lo rei Henry II e los sieus filhs Richard I (“Lionheart”) e John (“Without Land”). Aprofechèt l’enemistat entre ambedós fraires per ganhar de posicions. A causa d’aquelas luchas, pendent lo sieu reinatge, conquistèt e annexionèt Maine, Normandie, Touraine e Anjou. Dels conflictes amb lo vesin Vlaanderen (2), annexionèt l’Artois, lo Vermandois e Amiens. Recebèt lo subernòm d’”Auguste”, benlèu per èsser nascut al mes d’Agost e per los sieus succèsses militars de part del monge Rigord.

The_coronation_of_Philippe_II_Auguste_in_the_presence_of_Henry_II_of_England

La coronacion de Philippe II Auguste de France

davant lo Papa e lo rei Henry II of England

Una granda coalicion europèa entre divèrses sobirans europèus, comprés l’emperaire Oton IV del Sant Empèri Roman Germànic, foguèt derrotada per Philippe II a la batalha de Bouvines lo 27 de Julhet de 1214.

A nivèl interior, la siá òbra foguèt fòrça ampla e creèt las basas d’un estat nacional segon lo concèpte medieval de nacion. Creèt una armada permanenta (pas abituala en aquela epòca medievala) e reformèt lo sistèma fiscal per obténer unes intradas constantas e sufisentas per los sieus objectius e lo sieu aparelh administratiu estatal. Atenguèt controtlar la noblesa de las tèrras d’oïl e establiguèt definitivament la capitala del reialme a París (en contra d’Orléans). La vila de París recebèt una granda empentassa, amb un remodelament urbanistic fòrça important; las siás carrièras mai importantas foguèron pavimentadas, se melhorèron las fortificacions e se comencèt a bastir lo futur Palais du Louvre.

En començar lo sieu reinatge, expulsèt los josieus e confisquèt los sieus bens, en trincant la tolerància existenta en los reinatges anteriors. Una manièra fòrça utilizada per aténher de recorses economics a las monarquias medievalas. Mas l’an 1198 suprimiguèt totas aquelas politicas antisemitas.

Las relacions amb la Glèisa mantenguèron tanben una estructura diplomatica segon la siá convenença. Intervenguèt a la Tresena Crosada convocada pel Papa Gregòri VII l’an 1187. Mas mantenguèt una disputa amb lo Papa Innocenci III per la volontat de repudiar la siá molhèr Agnès de Meran. La mòrt de la reina l’an 1200 recondusiguèt la situacion.

Philippe_Auguste_et_Richard_IIIe_croisade

Philippe II Auguste de France i Richard I of England a la Tresena Crosada

Philippe II volguèt pas inicialament participar a la Crosada. Los laces de tanhença amb qualques nòbles occitans, l’incertitud de la solucion de la Crosada e la guèrra contra los angleses qu’aviá dobèrt al nòrd, a Breizh (3) e Normandie, marquèron aquelas reticéncias envèrs la participacion, malgrat l’insisténcia del Papa Innocenci III. Malgrat aiçò, enebiguèt pas als sieus nòbles l’intervencion en la Crosada.

Après la mencionada batalha de Bouvines, que favoriguèt las siás posicions al nòrd, e la desbranda del rei Pere d’Aragon a la batalha de Muret (1213), Philippe II Auguste decidiguèt intervenir en la Crosada contra los Albigeses. Aviá pas mai resisténcia dins las tèrras d’òc, e la Crosada acabariá en trionfant.

Après la mòrt de Simon de Montfort, onorat per lo meteis monarca amb títols e de tèrras conquistadas dins las tèrras d’òc, apiegèt a lo sieu filh, Amaury de Montfort per acabar amb una nòva revòlta dins lo comtat de Tolosa l’an 1219, que fracassèt militarament.

Philippe II Auguste moriguèt l’an 1223 a Mantes, sens acabar totalament la dominacion occitana, mas en daissant la situacion preparada pel domeni definitiu. Vertadièrament, dels actors de la tragèdia que foguèt la Crosada, foguèt qui sortèt mai beneficiat. Oportunisme, bona fortuna o bonas decisions?

E entre la Crosada e los conflictes del nòrd, atenguèt gaireben multiplicar per quatre lo territòri jos contraròtle dirècte de la monarquia francesa.

(1) A la seccion « La Crosada » apareisseràn mai informacion sus l’ intervencion del monarca francés a la Crosada contra los Bons Òmes.

(2) Flandra en la lenga neerlandesa.

(3) Bretanha en la lenga bretona.

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google+ photo

You are commenting using your Google+ account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s