NÒVA EDICION DEL MERCAT CATAR DE CASTELLBÒ

Dempuèi l’an 1996 se celèbra a la vila catalana de Castellbò (Alt Urgell) lo Mercat Catar per remembrar lo sieu passat amb los Bons Òmes. Ongan, pendent la dimenjada dels jorns 11 e 12 d’Agost, se realizèron de divèrsas activitats ligadas.

La pluèja empediguèt l’excursion planificada que recorriá dempuèi Castellbò fins al pòble vesin de Turbiàs un tram del Camin del Darrièr Catar, que remembra lo trajècte del darrièr Perfièch conegut, Guilhèm de Belibasta. Mas foguèt substituida per una interessanta passejada per la vila, ont l’istorian Carles Gascón expliquèt l’istòria de Castellbò e los sieus monuments mai importants, coma la glèisa de Santa Maria de Castellbò e lo castèl.

1534086079755

Mercat Catar de Castellbò 

Pendent la dimenjada se celebrèron de representacions de “Arnau de Castellbò, lo vescomte de fèrre”, que mejançant divèrses actes repartits pel pòble, explicava l’istòria del vescomte Arnau. Aquel nòble mantenguèt de divèrsas disputas amb la Glèisa (sustot amb l’avescat de la Seu d’Urgell) e aculhiguèt a la vila Bons Òmes perseguits per l’Inquisicion. Fòrça ans après la siá mòrt, lo sieu còrs foguèt trach del cavòt, e Arnau foguèt jutjat per erètge, amb la siá filha Ermessenda tanben defunta, e declarats colpables, los sieus còrsses foguèron cremats e los cendres lançats al vent. Aquela cruseltat enforisquèt los abitants de Castellbò.

La relacion de Castellbò amb l’Inquisicion foguèt dolenta. Per exemple, l’inquisidor Pere Cadireta foguèt expulsat e acalhauat. E per aquel comportament amb los inquisidors, los abitants de Castellbò recebèron lo subernòm de “matasants” (qu’aucisson “sants”). En responsa, l’Inquisicion comandèt cremar la vila. La representacion nocturna de l’òbra mostrèt aquel fach, amb l’espectacle de fuòcs artificials del “Grup de Diables de la Seu d’Urgell”.

1534094468943

Passacarrièras medieval

Dimenge, se celebrèt lo Mercat amb fòrça stands d’artesania e demostracion de mestièrs tradicionals, passacarrièras e divèrsas activitats de caire familial.

Una autra edicion del Mercat Catar de Castellbò, que remembra la preséncia dels Bons Òmes en aquela vila.

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google+ photo

You are commenting using your Google+ account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s