LA CROSADA (VI) UN VISITANT INATENDUT A CARCASSONA

Coneguda la massacre de Besièrs, dins totas las tèrras d’òc la populacion s’espantèt davant la cruseltat de las represalhas. La meteissa vila de Narbona se rendèt sens opausar resisténcia e amb la promesa de legiferar contra los “erètges”. De contunh, l’armada crosada se dirigiguèt vèrs Carcassona, ont arribèt lo primièr jorn d’Agost de 1209.

La vila confiava en poder resistir lo sètge perque dispausavan d’unas muralhas fòrça compactas (d’epòca visigoda) e fòrça resèrvas de neurituds, mas l’aiga mancava per fauta d’un estiu tròp shut. Raimon Rogièr Trencavèl, vescomte de Carcassona, Besièrs, Albi e Rasés, nomenat lo “Pastoret” de manièra afectiva per los sieus vassalhs, aviá comandat acumular de neurituds e de municions per resistir lo sètge, e refortilhar las defensas de las muralhas. Quitament, èran estats desrocats los molins dels environs per evitar que los crosats poguèsson far de farina e còder de pan. Totes los senhors dels entorns s’avián refugiat dins la vila.

IMG_7973

Carcassona, uèi.

L’endeman, los soldats crosats comencèron los sieus atacs dins los quartièrs defòra de las muralhas, primièrament a Sant Vincenç al sud e mens protegit, e après a Sant Miquèl a l’èst, abandonats per la populacion refugiada dins la vila. Destruits los ostals dels dos quartièrs, inicièron los atacs contra las muralhas, que foguèron refusats amb flechas e òli en borint. La defensa foguèt tan eficaça e provoquèt tantas bassas, qu’Arnaud Almaric comandèt la retirada de las tropas al campament. Mas los efièches de las pèiras e de las bòlas cremadas lançadas amb catapultas avián destruït fòrça edificacions e los abitants avián perdut l’accès al riu (e a l’aiga).

De manièra estonant, lo rei Pere II d’Aragon e I de Barcelona se presentèt al campament crosat per ensajar arturar la Crosada, segurament après recebre de messatges del vescomte de Carcassona en demandant ajuda. Lo rei Pere, que coneissiá la massacre de Besièrs per lo sieu parent Berenguer, avesque de Narbona, èra ja en camin.

Los ligams e los vassalhatges de qualques nòbles occitans envèrs lo monarca aragonés e catalan l’avián obligat a ensajar ajudar per arturar la destruccion e las tuadas. Èra conhat del vescomte Raimon Rogièr de Carcassona e protector del comtat de Tolosa. D’autra banda, lo rei Pere temiá que la proximitat de la Crosada dins la siá frontièra poguèsse, un còp acabada amb victòria catolica, animar a l’armada francesa a atacar los sieus domenis.

Malgrat que lo reialme d’Aragon e los Comtats Catalans s’avián separat de França dempuèi fasiá de sègles (1), aquela secession jamai pas èra estada reconeguda per la monarquia francesa. E benlèu lo rei Philippe II Auguste de França volguèsse recuperar de territòris. Egalament, l’arturada de la Crosada podiá empedir que la monarquia francesa assumiguèsse la sobeiranetat efectiva suls territòris occitans, e aqueles tendèsson posteriorament a l’influéncia catalana e aragonesa.

IMG_7893

La vila medievala de Carcassona, uèi.

Lo rei Pere s’amassèt amb Arnaud Almaric e los divèrses militars catolics. Aqueles decidiguèron qu’agiguèsse coma intermediari. En se sarrar a las muralhas de la vila, dempuèi la Tor Pinta foguèt reconegut, e la populacion cridèt amb jòia en veire una possibilitat de salvacion. Quitament, òm cridèt “lo nòstre sobiran ven nos salvar!!!”.

Après recebre e correspondre a las mòstras de jòia dels abitants de Carcassona, s’amassèt amb lo sieu conhat a qui abracèt e potoneguèt, mas li exprimiguèt una critica per la siá actitud:

“Vesi qu’avètz pas aubedit los mieus conselhs de demandar als erètges qu’abandonèsson la vòstra vila. Avètz ara de problèmas e de perilhs, per una fòla gents e per las siás fòlas cresenças. Ara totes sèm colpables d’aquela situacion, e sèm obligats a pactar amb los nòbles franceses. Es l’unica solucion possibla, perque l’armada crosada es tròp fòrta. Avètz aicí fòrça femnas, mainats e ancians, qu’aurián d’èsser salvats. Vos demandi autorizacion per parlamentar en lo vòstre nom.”

Après consultar amb los sieus conselhièrs, presents en l’amassada, lo comte Raimon Rogièr aprovèt aquela proposicion e donèt permís al rei Pere perque agiguèsse coma intermediari. En tornar al campament crosat, comuniquèt aquela decision a Arnaud Almaric, que tornava d’una brèu abséncia. Lo monarca remembrèt la joenessa de lo sieu conhat e qu’aviá ja patit grands estrossejas en los sieus domenis pendent los meses de crosada, coma per exemple a Besièrs. Mas la responsa del representant papal foguèt fòrça decebeira pel monarca:

“Vos concedirai part del favor que demandatz, perque pòdi pas desbrembar que lo Papa vos a una granda estimacion. Autorizarem a lo vòstre conhat, lo vescomte de Carcassona, a sortir de la vila, amb dotze cavalièrs acompanhaires qu’el meteis escuelha. Mas tota la vila apertendrà a la Crosada!”.

Vertadièrament, lo representant papal demandava la simpla capitulacion sens condicions. Una version explica que lo rei Pere, en escotar aquelas condicions diguèt: “Volarà abans un ase (abans que s’accèpten aquelas condicions)”.

IMG_7894

Una de las pòrtas de la vila medievala.

Lo rei Pere considerèt la proposicion tròp faura, mas l’acceptacion dependiá de lo sieu conhat. Al ser, en explicar al vescomte Raimon Rogièr lo resultat de la negociacion, lo vescomte occitan respondèt que pensava pas abandonar als sieus vassalhs a la volontat dels crosats e que los defendriá “amb onor e paratge”, e que preferissiá se daissar morir abans que traïr los sieus vassalhs. Egalament, recomandava a lo sieu conhat que tornès a lo sieu reialme.

Amb tristesa, lo rei Pere partiguèt de Carcassona. Las jòias inicialas èran estadas substituidas per un silenci absolut de la part de la populacion. Lo monarca suspectava que la vila patiriá una granda tragèdia. La Canso de la Crosada explica que

“Lo rei Pere d’Aragó felós se n’es tornatz

E pesa l’en son cor car no’ls a delivratz;

En Aragon se’n torna corrosós e iratz”.

(1) Aragon a l’epòca carolingiana e lo Comtat de Barcelona a fins del sègle X.

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google+ photo

You are commenting using your Google+ account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s