LO CAMIN DELS BONS OMES: UNA PERFIÈCHA COMBINACION D’ISTÒRIA E TERRITÒRI

Lo Conselh del Camin dels Bons Òmes es una organizacion qu’agròpa d’Administracions Publicas e d’entrepresas de las comarcas catalanas del Berguedà, l’Alt Urgell, la Cerdanya e lo Pallars Sobirà e lo departament occitan de l’Arièja, amb un objectiu comun: la difusion del movement dels Bons Òmes a travèrs del camin per ont transitavan pendent los sègles XII e XIII. Aquela recuperacion istorica preten egalament la potenciacion toristica e economica d’aqueles territòris, a travèrs del GR-107.

La sedença se tròba a Berga e après fòrça ans de trabalh, lo Conselh preten reformular los sieus objectius per melhorar la difusion de lo sieu prètzfach. Parlam amb Borja Segura del Rey, director responsable del Camin dels Bons Òmes.

Redaccion.- Cossí sorgiguèt l’idèa de crear lo Camin dels Bons Òmes?

Borja Segura.- L’idèa del Camin dels Bons Òmes sorgiguèt fa vint ans, e preteniá connectar las comarcas del nòrd de Catalunya amb França. Totas elas possedisson un nèxe comun, qu’es lo Catarisme. Fins alavetz s’avián realizat d’activitats a l’Òlt e a l’Aude (Carcassona) mas a Catalunya pas encara, e mai se coneissiam per ont èran passats los Bons Òmes. Inicialament, se constituiguèt al Berguedà, s’apondèron la Cerdanya, l’Arièja e plan lèu se creèt lo Camin dels Bons Òmes o GR-107, dempuèi Berga fins a Fois amb una distància de 220 kms.

Posteriorament, s’apondèron lo Pallars Sobirà e l’Alt Urgell, e se configurèt l’autra rota, lo Camin del Darrièr Catar, Guilhèm de Belibasta, perque dispausàvem de fòrça informacion sul trajècte del darrièr Perfièch.

R.- Quines son los objectius del Camin?

B.S.- Lo Camin promòu las 71 entrepresas aderidas a l’associacion (49 catalanas e 22 francesas), aital coma lo territòri e pretenèm que perdure la memòria istorica dels Bons Òmes.

R.- Quinas activitats organiza lo Camin?

B.S.- A nivèl promocional cream una nòva pagina web, mai modèrna e potenta, per aténher una màger difusion del Catarisme, del territòri e las entrepresas, e aital atraire mai de personas interessadas per l’istòria, la natura, lo senderisme o la gastronomia o d’autres motius d’interès. Lo Camin dels Bons Òmes es una conjoncha d’atributs; podèm atraire l’atencion mejançant desparièrs elements. Amb aquela promocion, las entrepresas aderidas atenhon una màger difusion amassa que, per separat, seriá mai complicat.

Coma promocion, lo Camin assistís tanben a cinc o sièis fièras internacionalas a Euròpa. Avèm trobat fòrça d’interès de la part de britanics e olandeses, benlèu per la combinacion de cultura e natura qu’ofrís lo Camin.

Organizam tanben de seminaris, ponéncias, amassadas amb entrepreneires que pòscan èsser interessats en lo nòstre produch… Coordinam e promovèm lo “Festival Càtar del Pirineu”, amb objèctes de promocion coma toalhas pels restaurants, triptics e afichas.

CAMÍ-1

R.- Quin papièr deurián realizar las Administracions Publicas en aquelas rotas culturalas?

B.S.- Las Administracions Publicas deurián facilitar los tramits administratius e ajudar de manièra altruista, en comprenent qu’es una collaboracion entre ambedoas parts que pòdon beneficiar totes.

R.- Quina relacion mantenètz dempuèi lo Camin amb los departaments occitans amb passat catar?

B.S.- Coma avèm comentat, amb qui trabalham mai es amb l’Arièja, perque fasèm partida del meteis projècte. Amb los autres departaments, la relacion es puntuala mas deuriá èsser mai abitual. Las activitats deurián èsser mai coordinadas, amb linhas d’accion comuna, publicacions comunas…

R.- E amb los autres territòris catalans o valencians?

B.S.- Se basan en la relacion amb personalitats ligadas al Catarisme qu’an contacte amb nosautres, mas a nivèl de territòri avèm de besohn trabalhar fòrça mai. Deuriam unificar los critèris e las activitats de totes los territòris. Seriá fòrça positiu e util per totes.

R.- Quines son los projèctes de futur immediat del Camin?

B.S.- Lo nòstre objectiu es perfilar lo nòstre produch. Per exemple, anavan abans per separat los fulhetons (que volèm renauir) e los carnets de rota; avèm unificat ara los critèris d’ambedós. Farem una nòva publicacion del Camin dels Bons Òmes (la darrièra èra de l’an 2003). Avèm de besohn culminar la nòva pagina web qu’avèm comentat abans. Ongan 2018 vendrem de definir lo produch e l’an seguent 2019 nos consacrarem a la promocion e la venta, mejançant conferéncias a centres excursionistas, universitats…

R.- Quina valor apòrta lo Camin als territòris per ont transcor?

B.S.- A nivèl empresarial, se vei benlèu de manièra mai quantitativa; es a dire, quantas personas son passadas per las nòstras activitats. Mas nosautres avaloram fòrça la difusion. En lo nòstre fulheton incorporam lo listat de totas las entrepresas collaboradoras, e aiçò ajuda a l’estructura economica dels territòris.

R.- Qué son los “Festivals Càtars dels Pirineus”?

B.S.- Es una aportacion que comencèt a l’Alt Urgell, ont aguèt d’importantas comunitats de Bons Òmes, coma “Jornades dels Refugis Càtars”, mas après s’apondèron las autras comarcas en adaptant a la realitat de cada territòri. Es una celebracion ont participan de Comunas, e se fa referéncia als testimònis sus la preséncia dels Bons Òmes en las siás respectivas municipalitats, amb un clar ambient medieval. Cada comarca aguèt los sieus eveniments istorics pròpris: de jutjaments, d’empresonaments… E los remembran amb òbras de teatre, concèrts musicals e autres activitats. Ongan, sèm arribats a l’edicion XXIII.

CAMÍ-2

R.- Cossí s’estructuran lo Camin dels Bones Òmes e lo Camin de lo Darrièr Catar coma camins de senderisme?

B.S.- Son dos trajèctes per crosar lo Pirenèu. Son fòrça semblables, e mai se lo Camin dels Bons Òmes es un pauc mai long e complicat amb los sieus 220 km, del temps que lo Camin de lo Darrièr Catar a 192 km. Lo primièr es mai generic sul Catarisme, del temps que lo segond se fa referéncia a l’istòria concrèta del darrièr Perfièch, Guilhèm de Belibasta. Lo primièr es reconegut coma un GR (Grand Recorregut), del temps que lo segond pas, e es l’union d’una sèria de camins coma rotas de passatge, camins elevaires…

Coma novetat d’ongan, pòdes sagerar lo fulheton pels establiments dels endrechs per ont passas en traversant qui que siá dels camins. Abans lo fulheton e lo carnet èran de passatge separats. En lo futur, voldriam donar qualque “prèmi” als viatgèrs qu’acompliscan completar qualqu’un dels camins, benlèu qualque libre.

Nos cal pensar que totes dos camins son lineals, pas de circularas, e quand arribas a destin, as de besohn procurar coma tornar. Dependes de la logistica per tornar, e devèm pensar que se comença a una nautor de 800 mètres, se puja a 2.500 mètres per tornar a davalar a 800 mètres. Recomandam, en prenent en compte totjorn la climatologia de cada an, los far entre los meses d’Abril e Novembre.

R.- Qué podèm aportar los Bons Òmes a la societat d’uèi?

B.S.- La siá dièta vegana, e mai se en lo cas dels Bons Òmes èra per las siás cresenças, contunhariá amb la tendéncia actuala de sonhar mai la salut e l’alimentacion.

Tanben l’egalitat entre òmes e femnas. Lo papièr de la femna èra fòrça important.

E la siá austeritat, que tustarrariá amb la nòstra societat materialista e volatil. Quand atenhèm una causa, desiram sulpic una autra. Los Bons Òmes vivián fòrça austerament. Avián pas de possessions. Nosautres nos caldriá soscar sus las nòstras abituds de consomacion, pas per manténer unas abituds tan austeras coma los Catars, mas poiriam melhorar fòrça problèmas del mond amb una consomacion mai conscienta.

R.- Lo Conselh del Camin dels Bons Òmes, una organizacion amb la volontat de recuperar la memòria dels Bons Òmes e de potenciar los territòris que gaudiguèron de la siá preséncia, e que vòl ara iniciar una nòva estapa de difusion de las siás interessantas activitats.

Avís: Las fotografias son estadas cedidas per gentilesa del Conselh del Camin dels Bons Òmes.

Advertisements

2 comments

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google+ photo

You are commenting using your Google+ account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s